लोकसंवाद संवाददाता | कारोबार | असार १, २०७९
काठमाडौँ । ‘वित्तिय जागरुकता, आजको आवश्यकता’लाई मूल नारा बनाई यस गरिमा विकास बैंकले आफ्नो सम्पूर्ण शाखा कार्यालयहरुबाट जेठ महिनाभर विभिन्न विद्यालय, कलेज, अफिस लगायतका स्थानमा बैंक तथा वित्तिय संस्था सम्बन्धी बृहत वित्तिय जागरण कार्यक्रमको सफल आयोजना गरेको छ ।
जेठ महिना भरी चलेको यस वित्तिय जागरण कार्यक्रम अन्तर्गत यस गरिमा विकास बैंकको सबै १२० शाखाले दुईवटा वित्तिय जागरणका कार्यक्रम आयोजना गरेको थियो । जस अन्तर्गत, यस कार्यक्रममा बैंकले दिने सेवा तथा सुविधाहरु, बचत गर्नुको फाईदा, वित्तिय सल्लाह सुझाव एवं डिजिटल बैकिङ्ग फाईदाहरुको बारेमा विस्तृत चर्चा तथा परिचर्चा भएको थियो ।
हरेक कार्यक्रममा बैंक तथा वित्तिय संस्था सम्बन्धी जान्न चाहनेहरुको सहभागीता उल्लेखनीय रहेको थियो । भव्य एवं सभ्य तरिकाले सम्पन्न महिना व्यापी वित्तिय जागरण कार्यक्रमले हरेक जनतामाझ वित्तिय जागरुकता फैलाउन मद्धत पुग्ने आशा राखिएको छ ।
हाल, गरिमा विकास बैंकले नेपालभर १२० शाखा कार्यालय, १ एक्स्टेन्सन काउण्टर तथा ५१ एटिएमबाट सरल, सुलभ एवं गुणस्तरीय बैकिङ्ग सेवा दिदै आईरहेको छ ।