लोकसंवाद संवाददाता | समाचार | असार ३२, २०७९
काठमाडौँ । नेकपा (एकीकृत समाजवादी) दोलखा काठमाडौ सम्पर्क मञ्चको बैठक सम्पन्न भएको छ । बैठकले स्थानीय निर्वाचन समीक्षा सहित आगामी निर्वाचनको रणनीति बारेमा छलफल भएको छ ।
भेलाले स्थानीय निर्वाचनमा निर्वाचित जनप्रतिनिधिहरूलाई बधाई दिँदै त्यस क्रममा सहयोग गर्ने सबै पक्षलाई धन्यवाद दिने निर्णय गरेको छ । यस्तै भेलाले पार्टी संगठन निर्माण र संगठन विस्तार, नवीकरण प्रकृयालाई तिव्रता दिने लगायतका निर्णय गरेको दोलखा काठमाडौ सम्पर्क मञ्चका विकल श्रेष्ठले बताउनु भयो ।
शनिवार एकीकृत समाजवादीको पार्टी कार्यालय आलोक नगरमा सम्पर्क मञ्चका अध्यक्ष हरिहर कार्कीको अध्यक्षतामा भेला सम्पन्न भएको थियो ।