लोकसंवाद संवाददाता | समाचार | श्रावण १, २०७९
खोटाङ। दिक्तेल रुपाकोट मझुवागढी नगरपालिका ७ दोर्पा चिउरी डाँडाका बासिन्दा पानी नपाएर बिजोकमा छन् भने प्रदेश खानेपानीको क्रमागत बजेटबाट गत बैशाखमा बनेको खानेपानीका बनेका धारालाई सबैभन्दा महँगो अर्थात् ५लाख ६०हजार रकम मिलोमतोमा खाने काम गरिएकाे छ ।
बैशाख ३० को चुनावमा एमालेलाई भोट दिलाउन कै लागि भने तत्कालिन नगर प्रमुख दिप नारायण रिजालले उक्त बजेट पारेको कुरा आरोप लागेको छ । अनुगमनमा गएका प्राविधिकलाई नै पुरानो योजनाबाट गरेको काम बापत इन्टेक र गाडेको पाईप देखाएर झुटो काम गरेका विवरण पेस गर्न लगाई योजना पासका लागि गएका ओभरसियर समेतको मिलेमतोमा बजेट दुरुपयोग गरिएको छ ।
उक्त प्रतिवेदनमा प्राविधिकले 'स्टामेट' अनुसार लागत पुग्दैन भनेपछि पाँच वटा धारा मात्र थप गर्ने भनि प्राविधिक सहितको मिलेमतोमा भित्र भित्रै बजेट निकासाको चाँजोपाँजो मिलाइएको थियाे ।
धारा मुहानको सर्वे प्रदेश खानेपानीको अध्यक्ष कुमार खनालले गरेका हुन् भने नगरबाट नवराज हिँङमाङले गरेका थिए ।