लोकसंवाद संवाददाता | समाचार | श्रावण १२, २०७९
काठमाडौँ । नेकपा (एकीकृत समाजवादी) का सम्मानित नेता तथा विदेश विभाग प्रमुख झलनाथ खनालसँग समाजवादी प्रेस संगठन नेपालको विदेश विभागको टोली बीच समसामयिक विषयमा छलफल भएको संगठनले जनाएको छ ।
डल्लु स्थित खनाल निवासमा सम्पन्न छलफलमा समसामयिक भू-राजनीतिक राजनीतिक अवस्थिति, बिआरआई, एमसीसी, एसपीपी, ईपीजीको प्रतिवेदन र नागरिकता विधेयक लगायतका विषयमा पार्टी र संगठन बीच समान धारणा विकास गर्नको लागि छलफलको शुभारम्भ गरिएको समाजवादी प्रेस संगठन नेपालको विदेश विभाग प्रमुख ऋतुराज सुवेदीले जानकारी दिनु भएको छ ।
समाजवादी प्रेस संगठन नेपालका महासचिव भूपराज खड्काको नेतृत्वमा गएको विदेश विभाग टोलीमा विदेश विभाग प्रमुख ऋतुराज सुवेदी, सदस्य श्याम रिमाल, संस्थापक सदस्य परमेश्वर देवकोटा लगायतको सहभागिता रहेको थियो ।