लोकसंवाद संवाददाता | समाचार | भदौ ३०, २०७९
दोलखा। दोलखा प्रतिनिधि सभा नेपाल कम्युनिस्ट पार्टी (एकीकृत समाजवादी) को भागमा पर्ने निश्चित भएको एकीकृत समाजवादी दोलखाले जनाएको छ ।
सत्तारुढ ५ दलीय गठबन्धनभित्र दोलखाको एक मात्रै रहेको प्रतिनिधि सभा नेकपा (एकीकृत समाजवादी) को भागमा पर्ने प्रारम्भिक सहमति भएको एकीकृत समाजवादी एक नेताले बताएका छन् । नेकपा (एकीकृत समाजवादी)ले दोलखामा आफ्नो पकड भएकोले आफूले पाउनुपर्ने माग राख्दै आएको थियो ।
गठबन्धनभित्र दोलखामा प्रतिनिधि सभा एकीकृत समाजवादीलाई दिने निश्चित भएपछि टिकटको दबाब दिन काठमाडौँ आएका नेता कार्यकर्ता चुनाव तयारीका लागि जिल्ला धमाधम फर्किन थालेको उपसचिव संगीता पाख्रिनले जानकारी दिनु भएको छ ।
नेकपा(एकीकृत समाजवादी) दोलखाले प्रतिनिधि सभामा पार्टीका पोलिटब्युरो सदस्य शिव प्रसाद भण्डारीलाई उम्मेदवार बनाउने यस अघि नै निर्णय गरेको छ । इमानदार छवि बनाएका भण्डारीलाई दोलखामा गठबन्धन र एमालेभित्र समेत प्रभावशाली नेताको रुपमा परिचित रहनु भएको छ ।