लोकसंवाद संवाददाता | समाचार | भदौ ३१, २०७९
काठमाडौँ । विश्वको एक मात्र पुरानो मोटरसाइकल कम्पनी 'रोयल इन फिल्ड' को लागी आधिकारिक बिक्रेता अल्फा अटोमोटिभले ‘वान राइड २०२२' को आयोजन गर्ने भएको छ । रोयल इनफिल्ड मोटरसाइकलका ग्राहकहरूले अनलाइन फर्म भरेर यो राइडमा सहभागी हुन सक्ने छन् ।
वान राइड विश्वभर एकै दिन आयोजना गरिने छ भने यस पटकको राइडको नारा 'एक संसार, एक मिसन, एक सवारी ' रहेको छ ।
‘वान राइड २०२२' को कार्यक्रम यही असोज २ गते अल्फा अटोमोटिभले जनाएको छ । अल्फा अटोमोटिभका अनुसार बिहान ६ बजे कमलपोखरी सिटी सेन्टरबाट सुरु हुने यो राइड चित्लाङ पुगेर बेलुका ६ बजे सिटी सेन्टरमा नै पुगेर समापन गरिने छ । यो राइड कार्यक्रममा सडक सुरक्षाका बारेमा जनचेतना जोगाउँदै, विभिन्न मनोरञ्जनात्मक खेल तथा सीआरएसका कार्यहरू समेत हुनेछ ।
सीआरएसको कार्यक्रम अनुरूप चित्लाङ रहेको 'श्री काली देवी आधारभूत विद्यालय' का विद्यार्थीलाई स्कुल ब्याग वितरण गरिने छ चित्लाङका वार्ड अध्यक्ष र विद्यालयका प्रधानाध्यापक समेतको संलग्नता रहने छ ।
‘वान राइडको पहिलो संस्करण २०११ मा आयोजना गरिएको थियो । विश्वभरका सबै रोयल इनफिल्डका ग्राहकहरूलाई एकै ठाउँमा ल्याउने उद्देश्यले यो राइड आयोजना गर्न थालिएको हो । यसरी सुरु गरिएको राइड विश्वमा दुई पांग्रे सवारीको सबैभन्दा ठुलो राइडमा गणना हुन थालेको छ । वार्षिक रुपमा रोयल इनफिल्डको समुदायमा सबभन्दा ठुलो कार्यक्रम मानिन्छ ।
विश्वमा देखिएको वातावरणीय, पर्यावरण, मौसममा भएको परिवर्तनका कारणले जलचर, थलचरलाई प्रभावित भएको हुँदा हामी पर्यावरण संरक्षण एवं दूर दराजसम्म पुगी सहयोग गर्ने उद्देश्य राखिएको अल्फा अटोमोटिभ जनाएको छ । दुर्गम ठाउँमा पुगी वातावरण सफा गर्ने, हाम्रो वातावरणीय प्रभावलाई कम गर्न मद्दत गर्ने, र हरेक ठाउँलाई राम्रोसँग सँगै छोड्ने रहेको छ ।