नागरिक लगानी कोष: अनलाइनबाटै शिक्षकहरुको फाँटवारी पठाउन सुरु

नागरिक लगानी कोष: अनलाइनबाटै शिक्षकहरुको फाँटवारी पठाउन सुरु

लोकसंवाद संवाददाता  |  कारोबार  |  आश्विन ९, २०७९

काठमाडौँ । नागरिक लगानी कोषले सामुदायिक विद्यालयका शिक्षकहरुले सावधिक जीबन बिमा योजना अन्तर्गत अनिवार्य रुपमा रकम कट्टा गर्दा अनलाइन प्रणालीबाट फाँट वारी अपलोड गर्ने  र अनलाइन प्रणालीबाट रकम पठाउने व्यवस्था सुरु गरेको छ । 

यो भन्दा अघि कोषले अनलाइन प्रणालीबाट कोषका कार्यक्रममा सहभागी भएका सहभागी कर्मचारीको सम्बन्धित कार्यालयले सोझै सहभागी कर्मचारीको कोषको खातामा कोष कट्टी रकम जम्मा गर्ने व्यवस्था मिलाएको थियो । बिद्युतिय सरकारी लेखा प्रणाली (सिगास) प्रणालीबाट पारिश्रमिक बितरण गर्ने सरकारी कार्यालय बाहेकका अन्य कार्यालयलाई लक्ष्यित गरी कोषले यस्तो सुविधा यस अघिनै सुरु गरेको हो । 

शिक्षकहरुले यो सुविधाको उपयोग गरी अनलाइन प्रणालीबाट मात्र फाँट वारी अपलोड गरी रियल टायममै सम्बन्धित शिक्षक, कर्मचारीको खातामा रकम प्रविष्ट हुने हुँदा सिगास प्रणालीबाट पारिश्रमिक बितरण गर्ने कार्यालय बाहेक अन्य कार्यालय, विद्यालयले यो सुविधा लिँदा कारोबारमा सहजता आउने अपेक्षा कोषले गरेको छ । 
शिक्षकहरुमा पनि अनलाइन कारोबार सुरु भएपछि सहजता मिलेको मदन स्मारक माध्यामिक बिद्यालय ललितपुरका प्रधानाध्यापक गोबिन्द प्रसाद पौडेलले बताउनुभयो । उहाँले यस्तो सेवाबाट कागज रहित कार्यको बिकास भएको प्रतिक्रिया दिनुभयो । कोषको प्रणालीले प्रदान गरेको सबमिसन नंम्वरको आधारमा कट्टी रकम दाखिला गर्ने सुबिधा मुलुकभरका सबै क बर्गका बाणिज्य बैंकहरुमा रहेको हुँदा सम्बन्धित कार्यालय, बिद्यालयहरुले आ–आफ्नो खाता भएको बैंकमा सम्पर्क राखी यो सुविधा लिन सक्नेछन । फाँटवारी पठाउने तरिकाको तालिम कोषले दैनिक रुपमा संचालन गरिरहेको छ ।