लोकसंवाद संवाददाता | साहित्य | माघ १४, २०७९
प्रिय देशभक्त नेपालीहरू !
इण्डो पश्चिमी चण्डाल चाकडीको
राहुपाशमा बेरिएका
महाकालीका उद्दत मलामीहरू
ओली, प्रचण्ड, शेरबहादुरहरू
पशुपति शम्शेर, प्रकाशचन्द्र लोहनीहरू
मेरो देशको खटन पटन
इण्डो पश्चिमी साँठगाँठले गर्ने गरेको छ ।
महाकाली जोड घटाउ घातका नाइके
देवराज घिमिरेहरू
भर्खरै सभामुखमा पुरस्कृत भएका छन् ।
कम्युनिष्ट एमाले कम्युनिष्ट पार्टी जस्तो छैन ।
काङ्ग्रेस काङ्ग्रेस जस्तो छैन ।
यी सबै यसबेला
इण्डो पश्चिमी गुलाममा फेरिएका छन् ।
देशको अस्तित्व सुपुर्दगी गरेर
दलालीको पुरस्कृत खाएर
झन्-झन् दम्भका साथ
तथाकथित कम्युनिष्ट र काङ्ग्रेसको
बर्को ओढेर
हो ! बर्को ओढेर
लाज र घृणा
देश द्रोहको प्र रूपमा
रुन्चे हाँसो रुन्चे रवाफमा
लेण्डुपे मान सन्मान खानकी खाएर
विभिन्न ब्राण्डका नेताहरू
पत्रकार मित्रहरू !
देशको मायाले फर्क
यो आवरणमा देशलाई घात गर्नु हुँदैन ।
तिम्रो कलमको बिक्री बन्द गर
भयो धेरै लोभ लालच बन्द गर
तिम्रो स्वाभिमान बन्दगी राखेर
भोलि आउने सन्तानलाई
शिर झुकाएर कैयौँ पुस्ता हिँड्नु पर्नेछ ।
तिमी जस्ता देशद्रोहीको निजले जन्माएकोमा
आफूलाई आत्महत्याको सजायमा उभ्याउने छन् ।
नेपाल पत्रकार महासङ्घ यसबेला
अभिभावक बिहीन भएको छ
जिल्ला–जिल्लाका पत्रकारहरूको शिर ढलेको छ ।
इण्डो पश्चिमी को दलाली खाएर
देशप्रति घात प्रतिघातका
कलम चलाई रहेका छन् ।
तिम्रो देश घाती कलमका विरुद्ध
तिम्रो देशद्रोही शब्द वाणको प्रत्युत्तरमा
आफूलाई लैस गराइ रहेका छन् ।
देशभक्त पत्रकारहरू !
तिम्रो विरुद्ध उठिरहेका छन् ।
२०७९ माघ १३ शुक्रबार
ऋतु आसीक