गरिमा विकास बैंक: वि.सं. २०८०को क्यालेण्डर र नयाँ वेबसाइटको विमोचन

गरिमा विकास बैंक: वि.सं. २०८०को क्यालेण्डर र नयाँ वेबसाइटको विमोचन

लोकसंवाद संवाददाता  |  कारोबार  |  चैत्र १७, २०७९

काठमाडौँ ।  गरिमा विकास बैंक लिमिटेडले  एक विशेष कार्यक्रम आयोजना गरि आउँदै गरेको नयाँ वर्ष २०८० सालको आफ्नो आधिकारीक क्यालेण्डर विमोचन गरेको छ ।

आफ्नै केन्द्रिय कार्यालयमा आयोजना गरिएको उक्त कार्यक्रममा बैंकका प्रमुख कार्यकारी अधिकृत  गोविन्द प्रसाद ढकाल र नायव प्रमुख कार्यकारी अधिकृत माधव प्रसाद उपाध्यायले संयुक्त रुपमा उक्त क्यालेण्डरको विमोचन गर्नुभयो । बैंकले देश भित्रका विभिन्न पर्यटकिय क्षेत्रहरु समावेश भएको आर्कषक भित्ते क्यालेण्डर र विभिन्न प्रजातीका चरा तथा वन्यजन्तु समावेश भएको टेवल क्यालेण्डर प्रकाशन गरेको छ । 

सोहि कार्यक्रममा बैंकका प्रमुख कार्यकारी अधिकृत  गोविन्द प्रसाद ढकालले स्तरोन्नती  गरि ग्राहक मैत्रि बनाईएको बैंकको नयाँ वेवसाईटको समेत शुभारंभ गर्नुभएको छ । 
गरिमा विकास बैंकले नेपालभर आफ्नो १२१ शाखा कार्यालय र ४९ एटिएमबाट सरल, सुरक्षित एवं गुणस्तरीय सेवा प्रदान गर्दै आईरहेको छ ।