लोकसंवाद संवाददाता | कारोबार | चैत्र २७, २०७९
काठमाडौँ । नेपाली नयाँ वर्ष २०८० लाई लक्षित गर्दै जम्बो इको भेहिकल प्रा. लि. ले नयाँ वर्ष अफरमा नगद छुट सहित अनौठो उपहार योजना सार्वजनिक गरेको छ ।
जम्बो इको भेहिकलका अनुसार नेपाली अटोमोबाइल क्षेत्रमै सम्भवतः पहिलो पटक इलेक्ट्रिक स्कुटरको खरिदमा दोहोर हेलमेट अर्थात दुई ओटा हेलमेट उपहार योजना सहित स्किम ल्याएको जानकारी गराएको हो ।
नगद छुटले ग्राहकलाई स्कुटर खरिद गर्न आर्कषित गरेता पनि सुरक्षालाई समेत महत्व दिएर यस पटक लेबिनिङ्ग र एम डि के ए ब्राण्डका इलेक्ट्रिक स्कुटरका आयात कर्ता जम्बो इको भेहिकलले नगत छुट २५००० सहित अनौठो योजना ल्याएको कम्पनीका प्रतिनिधिले जनाएका छन ।
लोकनथली भक्तपुरमा मल्टिब्राण्ड शोरुम अर्थात विभिन्न ब्राण्ड एकै स्थान मा पाइने शोरुम रहेको कम्पनीले लेबिनीङ्ग, एम्डिकेए, ब्राभो, अरोमा, टेल्जी र स्लोङ्ग ब्राण्डका इलेक्ट्रिक स्कुटर तथा इ–साइकल बिक्री वितरण गर्दै आएको छ ।
सेल्स, सर्भीस तथा स्पेयर्स सबैको एकै स्थानमा उचित व्यवस्था भएकाले ग्राहकले बिक्री पश्चात् सर्भिसमा समेत पर्याप्त सुविधा पाउने कम्पनी का प्रतिनिधी बताउँछन् ।
हाल जम्बो इको भेहिकलले ३००० वाट सम्मको मोटर भएका, ७२ भोल्ट सम्मका इलेक्ट्रिकल स्कुटर तथा ई.साइकलहरू बिक्री वितरण गदै आएको छ जसका मुल्य ७०,००० बाट सुरु हुने गरेको जम्बो इको भेहिकलले जानकारी दिएको छ ।