लोकसंवाद संवाददाता | समाचार | बैशाख ३, २०८०
कास्की । कास्की जिल्लाको पोखरा महानगरपालिका १५ स्थित सिताराम हाउजिङ नजिकै खेल मैदानमा रहेको भासिएको प्वालमा खसी अड्किएकी एक जना बालिकालाई सशस्त्र प्रहरीले निकालेको सशस्त्र प्रहरीले जनाएको छ ।
बैशाख २ गते सशस्त्र प्रहरीको गोता खोरले बालिकालाई अन्दाजी २०० मिटर गहिराइबाट निकालेको हो । सशस्त्र प्रहरीको गोता खोरले पोखरा महानगरपालिका ८ नागढुंगा बस्ने १२ बर्षकी स्मृति पराजुली खेल खेल्ने क्रममा उक्त प्वालमा खसेकी थिइन ।
बालिका प्वालमा खसेको थाहा पाए लगतै सशस्त्र प्रहरी बल नेपाल नम्बर २४ कालिका गण कास्कीबाट खटिएको गोता खोरसहितको टोलीले उनलाई निकालेको हो । बालिकाको उद्धार गरी पश्चिमाञ्चल स्वास्थ्य विज्ञान प्रतिष्ठान लगिएकोमा अस्पताल पुर्याए लगत्तै डाक्टरले मृत घोषित गरेका थिए ।