लोकसंवाद संवाददाता | साहित्य | जेठ १९, २०७६
काठमाडौँ । नेपालको समग्र गौरवगाथा समेटिएको ऐतिहासिक गीति नाटक ‘गौरव–गाथा’ जेठ २० गते सांस्कृतिक संस्थान (राष्ट्रिय नाचघर) जमलमा मञ्चन हुने भएको छ ।
राष्ट्रपति विद्यादेवी भण्डारीको समुपस्थिति मञ्चान हुने नाटक पराराष्ट्रमन्त्री प्रदीप ज्ञवालीले लेखेका हुन् भने सह–लेखन डा. देवी नेपालको बताइएकोे छ । गीति नाटकमा प्रसिद्ध सङ्गीतकार एवम् प्राज्ञ अशोक लोहोरुङ राईले सङ्गीत दिएका छन् ।
वीरेन्द्र हमालको निर्देशन रहने नाटकमा गोरन चौधरीको नृत्य निर्देशन रहेको छ । नाटक सांस्कृतिक संस्थानद्वारा प्रस्तुत हुने जनाइएको छ । जेठ २० गते मञ्चन आरम्भ हुने नाटक त्यपछि नियमित मञ्चन हुने सांस्कृतिक संस्थानका महाप्रवन्धक राजेश थापाले जानकारी दिएका छन् ।
‘नेपाल–गाथा’ गीति नाटकमा राष्ट्रवन्दना, बुद्ध सन्देश, नेपालको एकीकरण, नालापानीको युद्ध, योगमाया विद्रोह, गङ्गालालको सहादेत, नयाँ अरुणोदय, रामप्रसाद राई र पूर्व विद्रोह, किसान आन्दोलन, भीमदत्तको विद्रोह, वीपी र जननिर्वाचित सरकार, पञ्चायती कालरात्रि, सुखानी काण्ड, रत्न बान्वतवाको सहादत र छिन्ताङ–पिस्कर हत्याकाण्ड, ४६ को जनआन्दोलन, मदन भण्डारी व्यक्तिचित्र, दासढुङ्गाकाण्ड, जनताको नौ महिने सरकार, सशस्त्र द्वन्द्व, जनक्रान्ति र गणतन्त्र स्थापना, विनासकारी भुइँचालो र समाजवादी सपना गरी २२ खण्डहरू रहेको सङ्गीतकार राईले जानकारी राईले दिएका छन ।