लोकसंवाद संवाददाता | कारोबार | बैशाख १८, २०८०
काठमाडौं । नमस्ते पे का नवनियुक्त प्रमुख कार्यकारी अधिकृत प्रवीणराज पोखरेलले २०८० वैशाख १७ गतेदेखि आफ्नो कार्यभार सम्हाल्नु भएको नेपाल डिजिटल पेमेंट्स कम्पनी लिमिटेडले जनाएको छ ।
१५ बैशाख, २०८० मा कम्पनीको सञ्चालक समितिद्वारा औपचारिक रूपमा प्रविणराज पोखरेललाई कम्पनीको नयाँ सीईओ का रुपमा नियुक्त गरिएको छ ।
कम्पनीका अनसार 'विस्तृत अनुसन्धान, कडा छनोट र भर्ती प्रक्रिया पछि, बोर्डले संगठनको नेतृत्व लिनको लागि उत्कृष्ट व्यक्ति भेट्टाउन पाउँदा खुसी छ' नेपाल डिजिटल पेमेन्ट कम्पनी लिमिटेडका पूर्व सीईओ कृष्णप्रसाद भण्डारीले भनेका थिए ।
नवनियुक्त प्रमुख कार्यकारी पोखरेलले भने, 'बैंक भएका र डिजिटल शिक्षा पाएका मानिसहरूलाई मात्र नभई बैंक बिहीनहरूलाई पनि आधुनिक सेवाहरू उपलब्ध गराएर नगदरहित समाजको निर्माण गर्ने सेवामा रहेकाले व्यवसायिक कार्यसम्पादनमा सफलता प्रदान गर्न टोलीसँग काम गर्न म धेरै केन्द्रित हुनेछु।'
पोखरेल धेरै अग्रणी बैंकहरू, वित्तीय संस्था, भुक्तानी प्रणाली र FinTech कम्पनीहरूमा २७ वर्ष भन्दा बढीको उत्कृष्ट ट्र्याक रेकर्ड भएका नेता हुन् र थप केन्द्रित, सफलता-उन्मुख, र रूपान्तरणको एक भागको रूपमा महत्त्वपूर्ण पोर्ट फोलियो र संगठन परिवर्तनहरू प्रदान गरेका छन्। यसअघि पोखरेलले F1सफ्ट इन्टरनेशनल र MNepal Ltd का प्रमुख कार्यकारी अधिकृतको रूपमा काम गरिसक्नु भएको छ। उहाँसँग बैंकिङ क्षेत्रमा लामो अनुभव रहेको छ र उहाँले ग्लोबल बैंक, नबिल बैंक, बैंक अफ काठमाडौँ र हिमालयन बैंकमा वरिष्ठ व्यवस्थापन र मध्य व्यवस्थापन पदहरूमा काम गर्नुभएको छ। उनले युकेएड कोषको परियोजनामा मोबाइल फाइनान्सियल सर्भिस र भुक्तानी प्रणाली सल्लाहकारका रूपमा काम गर्नु भएको छ। र नेपालमा डिजिटल भुक्तानीमा धेरै कोसेढुङ्गा सावित हुने कम्पनीले जनाएको छ ।