लोकसंवाद संवाददाता | समाचार | जेठ २०, २०७६
काठमाडौं, एजेन्सी । अमेरिकाको लस एन्जेल्स स्थित टेक्नोलोजी फर्म, अल्का आई टेक्नोलोजीले हाइड्रोजन इन्धनले चल्ने मल्टी रोटर एयरक्राफ्टको नमूना सार्वजनिक गरेको छ ।
कंपनीले लस एन्जेल्स शहरको न्युबेरी पार्कमा बीएमडब्ल्यु ग्रुपको डिजाइनवर्क स्टुडियोमा यसको प्रदर्शन गरेको हो । यो एयरक्राफ्टमा पाँच जनासम्मले सवार गर्न सक्छन् ।
कंपनीका अनुसार हवाई यातयातका लागि यो शुन्य वायु उत्सर्जन मोडमा बनेको निजी वाहन जस्तै हो ।
कुइरोका कारण भिजिबिलिटी कम भएर हुने लामो जामका लागि यो ज्यादै उपयोगी सावित हुने कम्पनीको दावी छ ।
कम्पनीले यसलाई हाइड्रोजन इन्धनले चल्ने संसारको पहिलो एयरक्राफ्ट भएको दावी गरेको छ । सन् २०२१ सम्म पहिलो मोडल बिक्रीका लागि बजारमा आइसक्ने पनि कंपनीको दावी छ ।