सब्बु पाठक | साहित्य | श्रावण १३, २०८०
ठूलै झरीले पनि त
के नै बिगार्न सक्यो र
रुझायो केवल अस्तर
न त तन न त मन ।
टन्टलापुर घामले पनि त
सकेन केही लछार्न
केवल चर्मका केही रङ मात्र बदलिए
न त तन न त मन ।
चैतको हुरीसँगै बरालिए
कसिङ्गरले केही क्षण बास मात्रै मागे र बसे
नतमस्तक मेरो मन अहँ सकेन
बिथोल्न र हल्लाउन ।
बर्खे झरीले रुझाउन सकेन
चैते घामले तताउन सकेन
हुरीले उडाउन सकेन
अन्य तत्वले के नै डग मगाउन सक्छ र
केवल परम शक्ति बाहेक
जय परमसत्य ।