लोकसंवाद संवाददाता | कारोबार | श्रावण २१, २०८०
काठमाडौँ । एनआईसी एशिया बैंकले आर्थिक बर्ष २०७९/८० मा ४ अर्ब ६५ करोड रुपैयाँ नाफा गरेको बैंकले जनाएको छ ।
बैंकका अनुसार बैंकले आर्थिक बर्ष २०७९/८० मा १०.४५ प्रतिशतले नाफा बढाएर ४ अर्ब ६५ करोड रुपैयाँ पुर्याएको बैंकले जनाएको हो । बैंकले २०७९ असार मसान्तसम्ममा जम्मा ४ अर्ब २१ करोड रुपैयाँ नाफा गरेको थियो ।
बैंकले प्रकाशित वित्तिय विवरण अनुसार वितरण योग्य नाफा ३ अर्ब ६९ करोड रुपैयाँ आर्जन गरेको छ । ११ अर्ब ५६ करोड रुपैयाँ चुक्ता पुँजी रहेको बैंकले गत आवको नाफा बाटै लगानीकर्ताहरुलाई ३१।९२ प्रतिशत लाभांश दिने क्षमता कायम गरेको छ । जबकी बैंकको जगेडा कोषमा १४ अर्ब ३८ करोड रुपैयाँ रहेको छ ।
बैंकले गत आवमा ३ खर्ब ११ अर्ब रुपैयाँ निक्षेप संकलन गरेर २ खर्ब ६२ अर्ब रुपैयाँ कर्जा लगानी गरि १२ अर्ब ३७ अर्ब रुपैयाँ खुद ब्याज आम्दानी गरेको छ ।