लोकसंवाद संवाददाता | कारोबार | श्रावण २१, २०८०
काठमाडौं । लक्ष्मी सनराइज बैंकले आर्थिक वर्ष २०७९/८० नाफा झण्डै ५० प्रतिशतले वृद्धि भएको बैंकले जनाएको छ ।
बैंकका अनसार पछिल्लो मर्जर गर्ने लक्ष्मी सनराइजले गत आर्थिक बर्षको असार मसान्त अवधीमा आफ्नो नाफा ४९.६६ प्रतिशतले वृद्धि गरेर २ अर्ब २६ करोड रुपैयाँ पुगेको हो ।२०७९ असार मसान्तमा बैंकको नाफा एक अर्ब ५१ करोड रुपैयाँ मात्रै थियो ।
बैंकको वितरण योग्य नाफा एक अर्ब ९३ करोड रुपैयाँ रहको छ । २१ अर्ब ६७ करोड रुपैयाँ चुक्ता पुँजी रहेको बैंकका लगानीकर्ताले गत आवको नाफाबाटै ८.९० प्रतिशत लाभांश पाउन सक्छन् । बैंकको जगेडा कोषमा १४ अर्ब रुपैयाँ रहेको छ ।
बैंकले गत आवको असार मसान्तसम्ममा २ खर्ब ९६ अर्ब निक्षेप संकलन गरेर २ खर्ब ५३ अर्ब कर्जा प्रवाह गरि ५ अर्ब ५० करोड रुपैयाँ खुद ब्याज आम्दानी गरेको बैंकले जनाएको छ ।