लोकसंवाद संवाददाता | कारोबार | श्रावण २१, २०८०
काठमाडौं । नेपाल इन्भेष्टमेन्ट मेगा बैंकले आर्थिक वर्ष २०७९/८० मा ४ अर्ब २९ करोड रुपैयाँ नाफा गरेको बैंकले जनाएको छ ।
बैंकका अनुसार २०८० असार मसान्त अवधीमा अघिल्लो आवको सोही अवधिको तुलनामा १३.१९ प्रतिशतले नाफा वृद्धि गरेर ४ अर्ब २९ करोड रुपैयाँ पुगेको हो ।
२०७९ असार मसान्तसम्ममा बैंकको त्यस्तो नाफा ३ अर्ब ७९ करोड रुपैयाँ थियो । मेगा बैंकसँग मर्ज भएपछि बैंकले आफ्नो नाफा ४ अर्ब २९ करोड कायम गरेको हो ।
नेपाल इन्भेष्टमेन्ट मेगाले गत आर्थिक बर्षमा २ अर्ब ६० करोड रुपैयाँ वितरण योग्य नाफा आर्जन गरेको छ । बैंकले लोन लस प्रोभिजनका लागि २ अर्ब ४४ करोड रुपैयाँ छुट्याएको बैंकले जनाएको छ ।