लोकसंवाद संवाददाता | शिक्षा | जेठ २२, २०७६
जुम्ला । सिञ्जा गाउँपालिकाले १२ विद्यालयका विद्यार्थीलाई निःशुल्क सौर्यबत्ती वितरण गरेको छ ।
गाउँपालिकाको जनतासँग अध्यक्ष कार्यक्रमअन्तर्गत विद्यार्थीको पठनपाठनमा सहज होस भन्ने उद्देश्य यी सौर्यबत्ती वितरण गाउँपालिकाले जनाएको छ ।
गाउँपालिकाले कक्षा ८, ९ र १० सम्म सञ्चालन गरेको माध्यामिक विद्यालयलाई निःशुल्क सौर्यबत्ती वितरण गरिएको हो । कक्षा ८ का ७०५, कक्षा ९ का ३२१ र कक्षा १० का ३१५ गरी एक हजार ४१ विद्यार्थीलाई सौर्यबत्ती वितरण गरिएको गाउँपालिकाका अध्यक्ष देवलसिंह रावलले बताउनुभयो ।
यसरी सौर्यबत्ती वितरण गरिएका विद्यालयहरुमा भैरव माध्यमिक विद्यालय, आधारभूत विद्यालय, जनज्योति आधारभूत विद्यालय, कालिका आधारभूत विद्यालय, केदारनाथ आधारभूत विद्यालय, देउती आधारभूत विद्यालय, महादेव मावि, कैलाश मावि, शारदा आधारभूत विद्यालय र फोटासिली आधारभूत विद्यालयका विद्यार्थीलाई सौर्यबत्ती वितरण गरिएको नगरपालिकाका कार्यकारी अधिकृत पदमबहादुर भण्डारीले जनाकारी दिनुभएको छ ।
वितरण गरिएको सौर्यबत्तीमा दुई वटा बल्व, एउटा सोलार पाता र ब्याट्रीसहित १० वाटको सोलार बत्ती वितरण रहेको छ ।