लोकसंवाद संवाददाता | अपराध | आश्विन १५, २०८०
काठमाडौँ । सिनामंगलस्थित काठमाडौं मेडिकल कलेज (केएमसी) का इन्टर्न चिकित्सकमाथि आइतबार कुटपिटको विषयलाई लिएर चिकित्सकहरुले आफूहरु असुरक्षित भएको भन्दै इमरजेन्सी बाहेकका सम्पूर्ण सेवा बन्द गरेर अस्पताल अगाडिका सडकमा उत्रेका छन् ।
उपचारका लागि केएमसी आएका बिरामीका आफन्तले इन्टर्न चिकित्सक डा. मनिष खड्कामाथि हातपात गरेको अस्पतालले जनाएको छ । कार्यकक्षमै डाक्टर कुटिएपछि स्वास्थ्यकर्मीहरूले सिनामंगल क्षेत्रमा प्रदर्शनसमेत गरेका थिए । ओपीडी सेवा बन्द गरेर आन्दोलनमा उत्रेका हुन ।
मिर्गौलाको उपचार गराउन आएका बिरामीका आफन्त ३ जनाले इन्टर्न चिकित्सक डा. खड्कामाथि हातपात गरेका थिए ।
एक केएमसीका एक चिकित्सकले दिएको जानकारी अनुसार ‘डाक्टरले भीडभाड नगरी बस्नु एकछिनमा उपचारको पालो आउँछ भन्दा ३ जना कुरुवाले गालीगलौच गर्दै भुइँमा पछारेर कुटपिट गर्दा डा, मनीषाको टाउको र हातखुट्टामा चोट लागेको छ ।’
चिकित्सकले कुटपिटमा संलग्नलाई पक्राउ गरी सार्वजनिक गर्नुका साथै ३ वर्ष जेल र ३ लाख रुपैयाँ क्षतिपूर्तिको सजायका लागि कानूनी प्रकृया अगाडि नबढाएसम्म आन्दोलन जारी राख्ने घोषणा गरेका छन् । केएमसीका स्वास्थ्यकर्मीहरूलाई सोही कलेजमा कार्यरत चिकित्सक र विद्यार्थीहरुले सडकमा नै उत्रेर साथ दिइरहेका छन् ।
काठमाडौं प्रहरीले इन्टर्न चिकित्सक डा. मनिष खड्का कुटेको आरोपमा २ जनालाई पक्राउ गरिएको जनाएको छ । पक्राउ पर्नेमा काठमाडौं चाबहिल बस्ने २२ वर्षीय रूपक गौतम र गुल्मी घर भई सिनामंगल बस्ने ३४ वर्षीय सरोज गौतम रहेका छन् । आरोपीलाई म्याद थपेर अनुसन्धान अगाडि तयारी प्रहरीले जानकारी दिएको छ । काठमाडौं मेडिकल कलेजका महाप्रवन्धक नारायाणी दाहालले अस्पतालको नियमित सञ्चालन गर्ने विषयमा चिकित्सकसँग एक खालको सहमती भइ सकेको जानकारी दिए र भोली देखि नियमित सेवा सुचारु हुन्छ । महाप्रवन्धक दाहालले कलेजले घट्ना घट्ना साथ कलेजको तर्फ निवेदन प्रहरीमा दिएको तर प्रहरीमा इन्टर्न चिकित्स डा. मनिष खड्काको तर्फबाट किटानी जाहेरी दिने काम कलेजकै पहलमा भएकाे र यसको जानकारी केएमसी अस्पतालले घटनाबारे नेपाल चिकित्सक संघलाई समेत पत्राचार गरेर जानकारी दिए ।
केएमसी अगाडि आन्दोलनरत चिकित्सकहरु फरार एक जनालाई गिरफ्तार गर्न र कुटपिटमा संलग्नहरुलाई अनुसन्धान गरी कार्यबाही अगाडि बढाउन दबाब सृजना गर्न गौशला प्रहरी घेराउ गरि रहेका छन् ।