सुरेश राई | साहित्य | आश्विन २०, २०८०
मेरो साथ थाम्छौ भने खुसी बाँड्न जानी आउनू
उसैसँग सुखी छु म भनी ढाँट्न जानी आउनू
उसैसँग सुखी छु म भनी ढाँट्न जानी आउनू
हुरीसँगै पछि लाग्ने आँधीसँगै गीत माग्ने
तुफानको धक्का छल्दै मुस्कानले पीर ढाक्ने
आई पर्न सक्छ त्यस्तो खेल आँट्न जानी आउनू
उसैसँग सुखी छु म भनी ढाँट्न जानी आउनू
तारा थियौ सगरकी साथी सङ्गी साथ बस्ने
विधाताले लेख्या रैछ मेरै लागि तिमी खस्ने
अब चम्किनु बिर्सिएर, जुनी काट्न जानी आउनू
उसैसँग सुखी छु म भनी ढाँट्न जानी आउनू
मेरो साथ थाम्छौ भने खुसी बाँड्न जानी आउनू
उसैसँग सुखी छु म भनी ढाँट्न जानी आउनू
खोटाङ (हाल द .कोरिया)