लोकसंवाद संवाददाता | साहित्य | कार्तिक २५, २०८०
राजतन्त्रको छहारीमा
पालित–पोषित एकीकरण हुँदै
यो विशाल मुलुक एसियामा उभियो ।
विशाल मुलुकको संरक्षण
पृथ्वीनारायण शाह हुँदै
यो मुलुकले पूर्णता पायो ।
म गर्ववोध गर्छु ।
कुनै बेला भनिन्थ्यो
न्याय–निसाफ नपाए गोर्खा जानु,
ती शब्दहरू पिँढी दर पिँढी
झन्–झन् ओजस्विताका साथ
हामी माझ गुज्जिरहेका छन् ।
मेरो देश यसबेला
अमेरिका र भारतको लुट खसौट क्षेत्र भएको छ ।
दिन दहाडै मेरो देश पराधिनतामा बेरिदै छ ।
मेरो देशको शासन व्यवस्था गन्हाउँदै छ ।
प्रधानमन्त्री र राष्ट्रपति
अदालतको मानमर्दन गरिरहेका छन् ।
हत्यारासँग नौनी पैँचो खाएर
देशमा अराजकता मच्चाइ रहेका छन् ।
माओवादीको भेषमा
देश खाओवादीलाई सुम्पि रहेका छन् ।
देश माथिको घात–घात कोपरी रहेका छन् ।
नेपाली काँग्रेसका बुख्याँचा शेरबहादुरहरू
नेकपा एमालेका ओली बाहरू
हजारौँ देशभक्त नेपालीका हत्यारा प्रचण्डहरू
सिआइए अनि ‘रअ’ बाट उत्पादित माओवादीहरू
देश सिध्याउने खेलमा लागि परेका छन् ।
मेरो देशको वैभवता
प्राकृतिक प्रदत्त युरेनियम
अमेरिका र भारतलाई सुपुर्दगी गरिरहेका छन् ।
विभिन्न पार्टीका झोले नेताहरूलाई
अरब–खरब बुझाएर
लुटको धन्दा चलाइरहेका छन् ।
देश यसबेला
माओवादी
एमाले
नेपाली काँग्रेस
देशद्रोही हरकतबाट चुर्लुम डुबेको छ ।
देश अशान्त छ ।
देशमा यसबेला शासनको तार जोडिएको छ ।
संसारमा यसबेला कतै नचलेको शासन
यसबेला सिआइए र ‘रअ’ द्वारा निर्मित
माओवादी पार्टीले देश हाँकिरहेको छ ।
भ्रष्टाचार, लुट, खसौट
शासन, व्यवस्था चरम धाँधलीले आक्रन्त छ ।
देश यसबेला झन् झन् निम्छरो भएको छ
देश यसबेला निरीहतामा बाँची रहेको छ ।
मेरो देशको पहिचान
कठै यसबेला धुजा–धुजा भएको छ ।
दिन दहाडै भारतीय नागरिकका हुलका हुल बाँधेर
नेपाली नागरिकता
डकैती शैलीमा बाँडिदै छ ।
प्रचण्डको देशद्रोही शैलीका रुप देखिँदै छ ।
उत्फाको धन फुपूको श्राद्ध जस्तै
भारतीहरूलाई युद्धस्तरमा नेपाली बनाइँदै छ ।
लाखौँको तदारुकतामा
मेरो देशलाई यसबेला
घाइते बनाएर थला पारिएको छ ।
यी सबै मलोमतोमा
स्वार्थको साटासाटमा
देशलाई सिक्किमकरण गरिदै छ ।
मेरो देश यसबेला
मर्ने र बाँच्ने दोसाँधमा पुर्याइएको छ ।
देशभक्तहरू हो !
देशका अस्मिता उठाउन
देशद्रोहीको चंगुलबाट फुत्काउन
देशभक्त हो आउ युद्धस्तरमा गोलबन्द हौ ।
देशको अस्तित्वको शिर उठाउन
आउ फेरि हातेमालो गरौ
हाम्रो मुलुक
हाम्रो धरोहर
हाम्रो वैभवता
हाम्रो संस्कृति धरोहर
संरक्षण- सम्वर्द्धन हाम्रो काँधमा आएको छ ।
आउ हातेमालो गरौ ।
आफ्नो- आफ्नो ठाउँबाट उठौँ ।
देशद्रोहीका विरुद्ध हातेमालो गर्दै उठौँ ।
ऐतिहासिक धरोहर मेरो देश बचाउन
पृथ्वीनारायण शाहप्रति नतमस्तक हुँदै उठौँ ।
स्वतन्त्रता सेनानी, २०७४
आपगाछी, तरहरा, इटहरी
२०८० कार्तिक २२