लोकसंवाद संवाददाता | समाचार | जेठ २३, २०७६
काठमाडौं, एजेन्सी । अमेरिकाको ओमाहा स्थित आइसक्रीम तथा फास्ट फूड रेष्टुरेन्ट डेरी क्वीनमा मंगलबार एउटा रमाइलो तथा पत्याउनै नसकिने दृष्य देखियो ।
विश्वका चर्चित दुई धनाढ्य बिल गेट्स तथा वारेन बफेट डेरी क्वीन रेष्टुरेन्टमा कामदारको रुपमा देखापरे ।
उनीहरु दुबै जनाले काम गर्ने समयमा लगाउने औपचारिक पोशाक लगाएर ग्राहकलाई आइसक्रिम तथा मिल्क शेक बाँडिरहेका थिए ।
उनीहरु ग्राहकसँग जिस्कँदै सेवा गरिरहेको भिडियोमा देखिन्छ ।
उक्त भिडियो बिल गेट्सले मंगलबार सामाजिक संजालमा पोष्ट गरेपछि भाइरल भएको थियो ।
बिल गेट्सले जिस्कँदै, म भन्दा छिटो बफेटले मिल्क शेक बनाउन सिके भनेर ग्राहकलाइृ भनिरहेकाे भिडियाेमा देखिन्छ ।