लोकसंवाद संवाददाता | समाचार | जेठ २४, २०७६
काठमाडाैं । ०७२ सालकोे विनाशकारी भूकम्पले क्षतिग्रस्त बनेको रसुवागढी स्थित नेपाल–चीन सीमाको मितेरी पुलमा पुनर्निर्माणपश्चात जेठ २३ गते बिहान १० बजेबाट सवारी साधन चलाउन थालिएको छ ।
गत बैशाख देखी निर्माण कार्य थालिएको पुलको लम्बाई १ सय १० मिटर तथा चौडाई ९ मिटर रहेको छ ।
नेपाल सरकार र चीनबीच भएको सम्झौता अुनसार चिनियाँ अनुदानमा पुलको पुनर्निर्माण भएको हो ।
पुलको पुनर्निर्माण तिब्बत इन्जिनियरिङ कम्पनी तान् सुन रोड एण्ड ब्रिजले गरेको हो।
पुलको नेपालतर्फको आधा भाग भूकम्पले क्षतिग्रस्त बनाए पछि बेलीब्रिज राखेर सवारी संचालन गरिँदै आएको थियो ।
जेठ २३ गतेबाट पुलमा आवतजावत सुरू भए पनि औपचारिक रूपमा नेपाल सरकारलाई हस्तान्तरण गरिएको छैन् ।