लोकसंवाद संवाददाता | समाचार | फाल्गुन १२, २०८०
रसुवाको धैवुङमा बागमति प्रदेशमै पहिलो पल्ट 'मारुनी नाच प्रतियोगिता २०८०' फागुन २६ हुने भएको रेडियो लाङटाङले जनाएकाे छ ।
कालिका गाउँ पालिका वडा नम्वर २ स्याउबारीमा रहेको पर्यटन बिकास तथा सन्चार केन्द्र नेपालद्वारा संचालित रेडियो लाङटाङको आयोजनामा क्षेत्रिय स्तरको मारुनी नाच प्रतियोगिता हुने आयोजकले जनाएको छ ।
समाजको सांस्कृतिक सम्वृद्धिको जिवित प्रमाणका रुपमा रहेको मौलिक बाजागाजा तथा नाच गान प्रवर्द्धन गर्ने र लोक संस्कृतिलाई जगेर्ना गर्न र अहिलेका पिँढीलाई लोक संस्कृतिको जानकारी दिन मारुनी नृत्य प्रतियोगिता गर्न लागिएको रेडियो लाङटाङका सचिव गीता न्यौपानेले बताए ।
उक्त प्रतियोगीतामा प्रथम हुनेलाई पच्चीस हजार, द्वितीयालाई २० हजार र तृतीय हुनेलाई १५ हजार रुपैंया नगद पुरस्कार प्रदान गरिने आयोजकले जनाएको छ ।
अहिले रसुवा नुवाकोट र धादिङमा पश्चिमा आयातित संस्कृतिले मौलिक नेपाली संस्कृतिलाई धरासायी बनाएकोले नेपाली सामाजिक मुल्य मान्यतालाई संरक्षण गर्ने हेतुले कार्यक्रम आयोजना गरिएको हो ।