लोकसंवाद संवाददाता | समाचार | फाल्गुन १४, २०८०
कास्की । कास्की जिल्ला पोखरा महानगरपालिका- १७ महतगौडा स्थित सेती नदिमा माछा मार्ने क्रममा बेपत्ता एकको शब सशस्त्र प्रहरीले निकालेको छ भने एकको खोजि कार्य जारी सशस्त्र प्रहरीले जनाएकाे छ ।
सशस्त्र प्रहरीका सह प्रबक्ता डिएसपी शौलेन्द्र थापाका अनुसार माछा मार्न गएका ५ जना मध्ये सोही महानगरपालिका- १ कसेरी बस्ने ४० बर्षका मंगा तामाङ्ग मृत अवस्थामा ढुङ्गामा अड्किएको अबस्थामा सशस्त्र प्रहरी बल नेपाल नं. २४ कालिका गण कास्की बाट गएको गोताखोर र बिपद् उद्दार टिम सहितको फौजले गए राती पौने १ बजे शब निकालेको छ । सोही ठाउँ बस्ने ४३ बर्षका रक्सेस तामाङ्गको गोताखोर र बिपद् उद्दार टिमले खोजी कार्य जारी राखेको छ । शब पोस्टमार्टमको लागि पश्चिमाञ्चल स्वास्थ्य विज्ञान प्रतिष्ठान पठाएको छ । माछा मार्न गएका अन्य ३ जना भने सकुशल रहेका छन् ।