सुरेश राई | साहित्य | बैशाख १५, २०८१
कविता १
इन्धन
एउटा अल्छे माले गोरु
खाएको घाँसको दमले
एक पाइला सार्छ
र अर्को पाइला सार्छ
हलिको सिर्कनो दमले
उसलाई चल्न
यी दुबै इन्धनको आवश्यकता परेको छ
साथी,
तिम्रो इन्धन के हो ?
कविता २
जुनी
एउटा अशक्त दार्मे गोरु
खाएको घाँसको दमले
एक पाइला सार्छ
र अर्को पाइला सार्छ
हलिको सिर्कनाको दमले
उसको जुनी
बेस्सरी दुखिया छ
अभागी छ
साथी,
तिम्रो जुनी कस्तो छ ?
खोटाङ