बारामा मोटरसाइकल चोरी गर्ने पाँच पक्राउ

बारामा मोटरसाइकल चोरी गर्ने  पाँच पक्राउ

लोकसंवाद संवाददाता  |  अपराध  |  जेठ २८, २०७६

मोटरसाइकल चोरी गर्ने गिरोहका पाँच पक्राउ
बारा । मोटरसाइकल चोरी गर्ने गिरोहका पाँच जनालाई बारा प्रहरीले  २०७६जेठ २७ गते सोमबार पक्राउ गरेको छ ।
 नेपाल–भारतको विभिन्न ठाउँबाट मोटरसाइकल चोरी गरी नेपाल तथा भारतमा बिक्री गर्ने ती गिरोहका व्यक्तिलाई पक्राउ गरेको प्रहरी प्रवक्ता रञ्जितसिंह राठौरले जानकारी दिनुभयो ।

यसरी पक्राउ पर्नेहरुमा सिम्रौनगढ नगरपालिका–९ बस्ने वर्ष १९ का श्यामसुन्दर यादव, १८ वर्षीय  गुलशनप्रसाद यादव,  बारागढी गाउँपालिका–२ मलाही बस्ने वर्ष २० का सुरेश मुखिया विन, सोही ठाउँ बस्ने १८ वर्षीय धर्मेन्द्र मुखिया विन र  १९ वर्षीय नन्दकिशोर सहनी रहेका छन् । 

जिल्ला प्रहरी कार्यालय र इलाका प्रहरी कार्यालय बारागढीबाट खटिएको संयुक्त गस्ती टोलीले बारागढी गाउँपालिका–२ दौरवा मठअगाडि चोकबाट एक थान चोरीको अपाची गाडी, बीआर०५आर ७३३८ नंको गाडीसहित उनीहरूलाई पक्राउ गरेको हो । 

पछिल्लो समय बारा जिल्लामा मोटरसाइकल चोरी गर्नेहरुको बिगबिगी बढेको समाचार छ  । 
–––