युकेमा चर्चित हिप-हप गायक समिर लामा (भीटेन) को एकल कन्सर्ट हुँदै

युकेमा चर्चित हिप-हप गायक समिर लामा (भीटेन) को एकल कन्सर्ट हुँदै

लोकसंवाद संवाददाता  |  लोकरञ्जन  |  पुस २९, २०८१

लण्डन।  नेपाली युवा दर्शक(श्रोता माझ लोकप्रिय नेपाली हिप-हप गायक समिर लामा (भीटेन)ले संयुक्त  अधिराज्यमा  एकल प्रस्तुति  दिने  भएका  छन  ।

बेलायतको एभरेस्ट इको लिमिटेड कम्पनीको ब्राण्ड  ८८४८ भाईभ्सले म्यानचेस्टर र लन्डनमा भीटेनको एकल कन्सर्ट आयोजना गर्न लागेको  हो । 

कम्पनीका प्रबन्धक मनोज बजगाईका अनुसार भ्यालेनटाईनको अवसर पारेर यहि फेब्रुअरी १४ शुक्रबार म्यानचेस्टर र फेब्रुअरी २१ शुक्रबारकै दिन लन्डनमा भीटेनको कन्सर्ट हुन लागेको हो। बजगाईका अनुसार युकेमा भी टेनको यो पहिलो एकल (सोलो) कन्सर्ट हो । 

युवा दर्शक(स्रोता माझ भीटेन चर्चित भएकै कारण दुवै कन्सर्ट भ्यालेनटाईन विकमा राखिएको उनले बताए। दुवै कन्सर्टको होस्ट चर्चित मोडेल सिड्नी गुरुङले गर्ने कम्पनिले जानकारी दिएको छ । 

कन्सर्टमा सहभागी हुन चाहनेहरुले कम्पनिको सामाजिक संजालका पेजहरुबाट वा टिकेट पार्टनर कम्पनि टिकेट टेलरको वेबसाईटबाट पनि टिकट लिन सकिने कम्पनीले जनाएको छ ।