लोकसंवाद संवाददाता | लोकरञ्जन | असार २५, २०७६
फिल्म कबीर सिंहको अपार सफलता पछि शाहिद कपूरले आफ्नो फीस बढाएका छन् ।
मुंबई मिररका अनुसार शाहिदले अब एउटा फिल्म खेलेवापत करीब ३५ करोड़ लिने मनस्थिति बनाएका छन् ।
हाल उनले एउटा फिल्मका लागि १० देखि १५ करोड लिने गरेका छन् ।
२१ जुनमा रिलीज भएको कबीर सिंहले २४३ करोड़ कमाइसकेको छ ।
कबीर सिंहले १९ दिनमा भारतीय बक्स अफिसमा २४३.१७ करोडको आंकड़ा पार गरेको थियो ।
फिल्म बलीवुडमा सबैभन्दा धेरै कमाई गर्ने फिल्मको सूचीमा दसौं नंबरमा रहेको छ ।
फिल्मले उरीः द सर्जिकल स्ट्राइकलाई ११औंं स्थानमा धकेलिदिएको छ ।
शाहिदको करियरमा यो नै अहिले सम्मको सबैभन्दा हिट साबित भएको छ साथै पहिलो सोलो हिट ।
फिल्मप्रति दर्शकले देखाएको मायाका लागि उनले सोशल मीडियामा एउटा पोस्ट गर्दै आभार व्यक्त गरेका छन् । उनले भनेका छन, कबीर सिंहलाई बुझ्ने, माया गर्ने तथा माफी गर्ने सबैमा धन्यवाद ।