लोकसंवाद संवाददाता | विदेश | असार २९, २०७६
हङकङ । चिनियाँ कारोवारीविरुद्ध यहाँका मानिसले प्रदर्शन गरेका छन् । त्यस क्रममा प्रहरी र प्रदर्शनकारीबीच झडपसमेत भएको छ ।
प्रदर्शनकारीले चिनियाँ पर्यटक तथा कारोवारी बढी आउने पसलसामु ¥याली निकालेका थिए । र्यालीका क्रममा प्रदर्शनकारीले ‘सीमापारिका कारोवारीलाई रोक्नुपर्ने’ नारा लेखेका ब्यानर बोकेका थिए ।
र्यालीका क्रममा प्रहरीले प्रदर्शनकारीमाथि धरपकड गरेको थियो । प्रहरीले प्रदर्शनकारीमाथि लाठीचार्जसँगै कालो मरिचको पानी छर्किएपछि उनीहरू भागेका थिए ।
यसअघि पनि हङकङमा चीनको प्रत्यर्पणको अनुमति दिने कानुनविरुद्ध प्रदर्शन भएको थियो । प्रदर्शनपछि सरकारले प्रत्यर्पण कानुनसँग सम्बन्धित बिल खारेज गर्नुपरेको थियो ।
यो खबर समाचार संस्था एपीबाट साभार गरिएको हो ।