लोकसंवाद संवाददाता | खेलकुद | असार ३०, २०७६
काठमाडौं, एजेन्सी । पाँच सेटसम्म चलेको २०१९ काे विम्वलडन पुरुष सिंगल्सको फाइनलमा सर्बियाका नोवाक जोकोभिचले रोजर फेडररलाई हराएका छन् । ४ घण्टा ५७ मिनेट सम्म चलेको फाइनलमा पाँचौ सेट नै करीब २ घंटा चलेको थियो ।
जोकोभिचले पहिलो तथा तेस्राे क्रमशः सेट ७–६, ७–६ ले जीते भने दोस्रो तथा चौंथो सेट फेडररले ६–१, ६–४ ले जीते । त्यसपछि पाँचौ तथा अन्तिम सेट टाइब्रेकरमा पुग्यो । अन्तिम सेटमा भने फेडरर अभागी ठहरिए जसमा उनी जोकोभिजको हातबाट १३–१२ (७–६) ले पराजीत भए ।
यो जोकोभिचको पाँचौं विम्वलडन उपाधी हो । यो जीतका साथ उनले स्वीडेनको ब्योर्न बर्गको विम्वलडन उपाधीसँग बराबरी गरेका छन् । जोकोभिच डिफेन्डिङ च्याम्पियन पनि हुन् ।
विम्वलडनमा जोकोभिच तथा फेडररका बीच अहिलेसम्म पाँचपटक भिडन्त भएको छ । जसमा जोकोभिचले ४ पटक फेडररलाई हराएका छन् भने एक पटक मात्रै फेडररले जोकोभिचलाई ।
जोकोभिचले २०१४ तथा २०१५ मा विम्वलडनको फाइनलमा फेडररलाई हराएर उपाधी जीतेका थिए । यो तेस्रो पटक हो उनले फाइनलमा फेडररलाई हराएको । २०१२ मा भने विम्वलडनको सेमीफाइनलमा भने फेडररले जोकोभिचलाई हराएका थिए ।
१६ पटकको ग्रैंड स्लैम भेटमा १० पटक जोकोभिचले तथा ६ पटक फेडररले बाजी मारेका छन् ।
जोकोभिचको यो १६ औं ग्रैंड स्लैम उपाधी हो । सबैभन्दा धेरै ग्रैंड स्लैम जीत्ने मामिलामा भने २० उपाधीका साथ फेडरर अग्र स्थानमा छन् । फेडररले ८ विंबलडन, ६ अस्ट्रेलियन ओपन, ५ युएस ओपन तथा एक फ्रेंच ओपन जीतेका छन् ।
जोकोभिचले भने सबैभन्दा धेरै ७ अस्ट्रेलियन ओपन, ४ विम्वलडन, ३ युएस ओपन तथा एक फ्रेंच ओपन जीतेका छन् ।