लोकसंवाद संवाददाता | समाचार | श्रावण १०, २०७६
काठमाडौं, एजेन्सी । भारतीय राज्य गुजरातको राजकोटमा एक जना निर्माण व्यवसायीले आफ्नो कारको भिआईपी नंबर ०००७ का लागि ३० लाख ४० हजार रुपैयाँ खर्च गरेका छन् । उनी यो नंबर गुजराती भाषामा लेख्न चाहन्थे तर अंग्रेजी भाषामा नै लेख्नुपर्ने कारणले उनले यसो गर्न पाएनन् ।
निर्माण व्यवसायी गोविंद प्रसन्नाले गुजरातीमा लेख्न चाहनुको कारण भने ०००७ नंबर गुजरातीमा लेख्दा त्यसको आकृति भगवान गणेश जस्तो देखिन्छ । यसकारण उनले आफ्नो गाडीको मूल्यको ११ प्रतिशत रकम नंबरमा खर्च गरेका हुन् ।
गुजरातको सड़क तथा परिवहन विभागका अधिकारिका अनुसार, राज्यमा कुनै एक नंबरका लागि तिरेको यो सबैभन्दा धेरै रकम हो ।