लोकसंवाद संवाददाता | कारोबार | श्रावण १२, २०७६
काठमाडौं । भुकम्पले भत्काएका घर पुननिर्माण गर्न नसकी गोठमा बसिरहेका घुमारचोक तामाङ बस्तिका १० जना अति विपन्न एकल महिलाले नयाँ घर पाउनु भएकाे छ । अमेरिकामा बस्दै आउनुभएका हेम पाठक र सरिता पाठक दम्पत्तीले स्थापना गर्नुभएकाे हेम सरिता पाठक एकेडेमीको पहलमा घुमारचोकमा १० वटा नमूना घर निर्माण गरि हस्तान्तरण गरिएकाे हाे ।
काठमाडौं स्थित शंखरापुर नगरपालिका वडा नम्बर ८ घुमारचोकका दशजना विपन्न एकल महिलालाई नगरपालिका मेयर सुवर्ण श्रेष्ठ र हेम सरिता पाठक एकेडेमीका संरक्षक हेम पाठकले एक समारोहबीच नयाँ घरको साँचो र जिविकोपार्जनका लागि भनि बाख्रा समेत एक समाराेह बिच हस्तान्तरण गर्नु भएकाे हाे ।
चारवटा बाख्रा डोहोर्याउँदै नयाँ घर प्रवेश गर्न उकालो चढ्दै गरेकी राममाया मोक्तानाले नयाँ घर बनाएर बस्ने आशा मरिसकेको बेला आफूले सपनामा पनि नसकेको घर पाएको बताउनु भयाे । उनले अब नयाँ घरको अगाडि खोर बनाएर बाख्रा पाल्ने र खसी बेचेर जीवन गुजारा गर्ने योजना सुनाउँदै हेम पाठक र सरिता पाठकलाई धन्यवाद समेत दिनुभयाे ।
अमेरिकामा बसोबास गर्ने हेम पाठक र सरिता पाठक दम्पतीले सामाजिक कामका लागि गठन गरेको हेम सरिता एकेडेमी,युएस नेपाल वेलकेयर सोसाइटी र गामाको आर्थिक सहयोगमा वडाध्यक्ष हितमान तामाङको अगुवाइमा अति विपन्न एकल महिलाका लागि १० वटा नमूना घर निर्माण गरिएकाे हाे ।
करीव ६ लाख रुपैयाको लागतमा भूकम्प प्रतिरोधी घर निर्माण भएको र लाभग्राही एकल महिलाको सूची वडा कार्यालय तथा स्थानीय अगुवा बसेर तय गरि हेम सरिता एकेडेमीलाई बुझाइएको वडाध्यक्ष हितमान तामाङ जानाकारी दिनुभयाे । बस्ने घर दिएपछि आयआर्जनको लागि केही सहयोग होस भनेर आफूले वडाध्यक्षलाईनै आग्रह गरेर प्रति परिवार ५ वटा बाख्राका पाठाको व्यवस्था गर्न लगाएको पाठकले जानकारी दिनुभयाे ।