लोकसंवाद संवाददाता | स्वास्थ्य | श्रावण १२, २०७६
काठमाडौं । सरकारले ९ महिनामा १८ हजारभन्दा बढीलाई निःशुल्क स्वास्थ्य सेवा प्रदान गरेको छ ।
स्वास्थ्य तथा जनसंख्या मन्त्रालयको विपन्न नागरिक उपचार कोषका अनुसार गत साउनदेखि चैतसम्म १८ हजार १ सय ९९ जनालाई निःशुल्क स्वास्थ्य सेवा दिइएको हो ।
निःशुल्क स्वास्थ्य सेवाका लागि १ अर्ब १ करोड ५ लाख ९७ हजार ९ सय २ रूपैयाँ खर्च भएको मन्त्रालयले जनाएको छ ।
सरकारले स्पाइनल इन्जुरी, पार्किन्सन्स, मुटु, हेड इन्जुरी, अल्जाइमर्स, मृगौला, क्यान्सर र सिकलसेल एनिमियाको निःशुल्क उपचार सेवा प्रदान गरिरहेको छ ।