लोकसंवाद संवाददाता | विदेश | श्रावण १४, २०७६
वाशिंगटनको एउटा एयरपोर्टमा अधिकारीहरूले मिसाइल लन्चरका साथ एक अमेरिकी नागरिकलाई गिरफ्तार गरेका छन् ।
वाशिंगटन, एजेन्सी । अमेरिकी अधिकारीहरूले साउन १३ गते एक अमेरिकीलाई मिसाइल लन्चरका साथ गिरफ्तार गरेका छन् । अमेरिकाको टेक्सास राज्यको निवासी रहेका ती व्यक्ति कुवेतबाट अमेरिका फर्कदै थिए ।
अधिकारीहरूले उक्त व्यक्तिलाई एयरपोर्टमै मिसाइल लन्चरका साथ नियन्त्रणमा लिएका थिए ।
नियन्त्रणमा लिइएका ती व्यक्तिले चिनोको रूपमा उक्त मिसाइल लन्चर कुवेतबाट ल्याएको बयान दिएका छन् ।
अमेरिकन परिवहन सुरक्षा प्रशासनका प्रवक्ता लिसा फरबस्टिनले ट्विटमार्फत् उक्त जानकारी सार्वजनिक गरेकी हुन् ।
टेक्सास राज्यको ज्याकशनिभले निवासी यो व्यक्ति सैन्यकर्मी भएको जनाइएको छ ।
अधिकारीहरूले जफत गरिएको लन्चर सुरक्षित तवरले नष्ट गर्न राज्यका फायर मार्शल कार्यालयलाई पठाएका छन् ।