लोकसंवाद संवाददाता | पर्यटन | भदौ ४, २०७६
लमजुङ । लमजुङकाे गाईखुरे झरनामा यही भदौ ६ र ७ गते सो महोत्सव गरिने भएको छ ।
पर्यटन प्रवर्दनका गर्ने उद्देश्यले 'प्रथम क्यानोनिङ महोत्सव २०७६' महोत्सव आयाेजना गर्न लागिएकाे हाे ।
डुर्मे बेँसीशहर सडकखण्डस्थित बेँसीशहर नगरपालिका–१ दलालमा अवस्थित गाईखुरे झरना पर्यटकीय सम्भावना भए पनि ओझेलमा पर्दै आएकाे छ ।
'पर्यटन वर्ष २०२० 'लाई सार्थकता दिने उद्देश्यले उक्त महोत्सवको आयोजना गर्न लागिएको आयोजक वातावरण सुधार अभियानका अध्यक्ष ऋषि बस्नेतले जानकारी दिनुभएकाे छ ।
गत वर्ष क्यानोनिङ र अन्य कार्यक्रम हुँदै आएकाे झरनालाई थप व्यवस्थित गरेर यस पटकबाट महोत्सवका रुपमा यसको प्रचार–प्रसार गर्नसमेत पहिलाे पटक महोत्सवको आयोजना हाे ।
महोत्सवको तयारी अन्तिम चरणमा पुगेकाे आयोजकले जनाएको छन् ।
महोत्सवमा स्थानीय कलाकार र डिजेका विभिन्न प्रस्तुतिसमेत गर्ने तयारी गरिएकाे छ । महोत्सवमा १० देखि १५ हजार दर्शकको अपेक्षा आयोजकको रहेको छ ।
महोत्सव सञ्चालनका लागि अनुमानित साढे चार लाख खर्च र सन् २०२० मा अन्तरराष्ट्रिय क्यानोनिङसमेत यसै झरनामा आयोजना गर्ने तयारी भइरहेको छ ।
याे झरना करीब ७० मिटर अग्लो रहेकाे छ ।