लोकसंवाद संवाददाता | विदेश | भदौ ५, २०७६
काठमाडौं, एजेन्सी । अमेरिकाको पूर्व राष्ट्रपति बराक ओबामाको बास्केटबल जर्सी १ लाख २० हजार अमेरिकी डलरमा बिक्री भएको छ ।
यसकाे जानकारी हेरिटेज अक्शन हाउसले दिएको हो । २३ नंबरको यो जर्सी ओबामाले १८ वर्षमा सन् १९७८ देखि १९७९ सम्म स्कुल पढ्दा लगाउनु भएको थियाे ।
यो जर्सी स्कूलका एकजना जूनियर पीटर नोबलले लिलामीका लागि राख्नु भएकाे थियाे ।
जो हाल ५५ वर्षका भइसक्नु भएको छ ।
बिक्री हुनु पूर्व भने यस जर्सीको मुल्य १ लाख डलर राखिएको थियो । यसका लागि २७ जनाले बढाबढमा बोलि बाेलेकाे समाचार छ ।
यसलाई एक अमेरिकी खेल कलाकृतिका संग्रहकर्ताले खरीद गर्नु भएकाे हाे । खरिदकर्ताको नाम भने गोप्य राखिएको छ ।
ओबामाले यो जर्सी हवाईको पुनाहौ हाई स्कूलमा सीनियर भएका बेला लगाउनु भएको थियो ।
बास्केटबल बाराकको एकदमै मन पर्ने खेल हो । उहाँ व्हाइट हाउसमा भएका बेला पनि आफ्नो स्टाफ, सेलिब्रेटी तथा नातेदारसँग पनि आफ्नो कार्यकालमा कैयौं पटक बास्केटबल खेल्ने गर्नु हुन्याे ।
पीटर नोबल पुनाहौ हाई स्कूलमा ओबामा भन्दा तीन ब्याच जुनियर रहेको बताइएको छ । पीटर पनि हाई स्कूल बास्केटबल टीमका सदस्य थिए ।
ओबामाले २३ नंबरको जर्सी लगाउनु भएकाे थियो । लिलामीबाट प्राप्त रकम मध्ये केही रकम स्कूललाई दान दिने पीटरले घाेषणा गर्नु भएकाे छ ।