लोकसंवाद संवाददाता | पर्यटन | भदौ ६, २०७६
काठमाडौँ । आज २०७६ भाद्र छ गते शुक्रबार कृष्णाष्टमी, भगवान कृष्णको जन्म भएको सम्झनामा देशभर कृष्ण जन्माष्टमी पर्व मनाईंदै छ ।
ज्ञानयोग, भक्तियोग र कर्मयोगका प्रणेता कृष्णको पूजाआजा गरी हरेक वर्ष भाद्र कृष्णाष्टमीमा दिन पर्व मनाउने प्रचलन रहेकाे छ ।
धार्मीक ग्रन्थहरुमा उल्लेख भए अनुसार मामा कंशको अत्याचारबाट मानवजातिलाई मुक्ति दिनका लागि वासुदेव र देवकीको आठौं गर्भबाट विष्णुको आठौं अवतारका रूपमा श्रीकृष्णको जन्म भएको हाे । अन्याय, अत्याचार र दानवी प्रवृत्तिबाट मानव जातिलाई सुरक्षित बनाउने उद्देश्यले विष्णुले मानिसका अवतारका रूपमा श्रीकृष्ण जन्म लिएकाे उल्लेख गरेकाे पाइन्छ । कृष्णले आजीवन सत्यका पक्षमा रही सत्कर्मका लागि मानव समुदायलाई प्रेरित गरेकाे मानिन्छ ।
कृष्णाष्टमीमा दिन पाटनको मंगलबजारस्थित श्रीकृष्ण मन्दिर, काठमाडौं गोठाटारमा रहेको नवतनधाम, बूढानीलकण्ठस्थित कृष्ण भावनामृत संघको मन्दिर, हाँडीगाउँस्थित पीपलबोटभित्र रहेको कृष्णमन्दिर लगायत देशभरका कृष्ण मन्दिरहरुमा भक्तजनहरुकाे भिड लाग्ने गरेकाे छ ।
आजको दिन महिलाहरू व्रत बसी राति कृष्ण जन्मिएको सम्झनामा पूजाआजा गर्ने र रातभर जाग्राम बसेर नाचगान तथा कृष्णको भक्ति संगीत गाउँने प्रचलन रहेको छ ।
देशका विभिन्न स्थानहरुमा रथयात्रा तथा शोभायात्रा गरी श्रीकृष्ण जन्माष्टमी पर्व मनाउने गरिएकाे पाइन्