लोकसंवाद संवाददाता | लोकरञ्जन | भदौ १०, २०७६
काठमाडाैँ । बोक्सी प्रथा विरुद्ध तयार पारिएको चलचित्र ‘अग्निदहन’ विदेशमा प्रदर्शनको तयारी भइरहेकाे छ
। ‘मान्छे बोक्सी हुन्न कहिल्यै राष्ट्रिय जागरण प्रतिष्ठान नेपाल’को आयोजनामा यही साता मलेसिया, सिङ्गापुर र थाइलैण्डमा ‘अग्निदहन’ प्रदर्शन हुँदैछ ।
तीनवटै देशमा रहेका नेपाली दूतावासको व्यवस्थापनमा सो चलचित्र प्रदर्शनको गर्न लागिएकाे प्रतिष्ठानका अध्यक्ष कोविदशरण उपाध्यायले जानाकारी दिनुभएकाे छ ।
प्रदर्शनी समारोहमा प्रतिष्ठानका अध्यक्ष उपाध्यायसहित वरिष्ठ उपाध्यक्ष गोविन्द पौडेल, प्रधानमन्त्री कार्यालयका प्रतिनिधि देवेन्द्र ढकाल तथा गण्डकी प्रदेश सामाजिक विकास मन्त्रालयका नवीनकिरण भुषाल सहभागीता रहने जनाइएकाे छ ।
मलेसियाको राजधानी क्वालालम्पुरमा सुदूर पश्चिमेली नेपाली समाजको पाँचौँ अधिवेशन तथा गौरा पर्वको कार्यक्रममा नै ‘अग्निदहन’ प्रदर्शन गर्ने तयारी गरिएकाे छ ।
२०७६ भदौ ११ गते सिङ्गापुरमा तथा भदौ १४ गते थाइलैण्डमा उक्त चलचित्र प्रदर्शन कार्यक्रम रहेकाे छ ।