काठमाडौं : पछिल्लो डेढ महिनादेखि निकै उतारचढावका बीच कारोबार हुँदै आएको सुनको मूल्यमा आज गिरावट देखिएको छ । नेपाल सुन चाँदी व्यवसायी महासङ्घका अनुसार शुक्रवार छापावाला सुन प्रति तोला एक हजारले घटेको छ ।
छापावाला सुनको मूल्य ७२ हजार ४०० रुपैयाँ कायम भएको छ । बिहीवार छापावाला सुन प्रति तोला ७३ हजार ४०० रुपैयाँमा कारोबार भएको थियो । यस्तै, तेजाबी सुनको मूल्य पनि प्रति तोला एक हजारले घटेको छ । तेजाबी सुनको मूल्य प्रति तोला ७२ हजार १०० रुपैयाँ कायम भएको छ । बिहीबार तेजाबी सुनको मूल्य प्रति तोला ७३ हजार १०० रुपैयाँ रहेको थियो ।
चाँदीको मूल्यमा पनि सामान्य गिरावट देखिएको छ । स्थानीय बजारमा आज चाँदी प्रति तोला १० रुपैयाँले घटी ८८५ रुपैयाँ निर्धारण भएको छ । बिहीवार चाँदी प्रति तोला ८९५ रुपैयाँमा खरिद बिक्री भएको थियो ।
