लोकसंवाद संवाददाता | कारोबार | भदौ १५, २०७६
काठमाडौं, एजेन्सी । एप्पल कम्पनीका सिइओ टिम कुकले २३ हजार ७ सय शेयर दान दिएका छन् । कम्पनीको रेग्युलेटरी फाइलिंगमा यो जानकारी दिइएको हो । दान दिइएको शेयरको मूल्य ५० लाख डलर बराबर रहकाे छ ।
शेयर क-कसलाई दान गरिएको भने खुलाइएको छैन् ।
टिम कुकले पछिल्लो वर्षको अगस्टमा पनि यति नै मूल्य बराबरको शेयर दान गरेका थिए ।
एप्पलका अनुसार, अब उनीसँग ८ लाख ५४ हजार ८४९ शेयर बाँकी रहेको छ । शेयरको भाउ अनुसार यसको मूल्य १७.६ करोड़ डलर हुन आउँछ ।
कुकले सन् २०१५ देखि लगातार शेयर दान गर्दै आएका छन् ।
२०१४ मा उनले मानवाधिकार अभियानका लागि नगद पनि दान दिएका थिए । उनले रबर्ट एफ केनेडी सेंटर फर जस्टिस एंड ह्यूमन राइट्स नामक संस्था तथा अन्य मानव अधिकार अभियानका लागि पनि दान गर्दै आइरहेका छन् ।
सिईओ कुकको दानका अलावा एप्पलले अमेजनको जंगल संरक्षणका लागि पनि दान दिने योजना रहेको उनले ट्वीट गरेर बताएका छन् ।