काठमाडौं : लगातार ओरालो लाग्दै आएको धितोपत्र बजारमा कारोबार मापक नेप्से परिसूचक आज दोहोरो अङ्कले घटेको छ । साताको आज पहिलो दिन कारोवार मापक नेप्से ११.६३ विन्दुले घटेर एक हजार १८४.७८ विन्दुमा झरेको छ ।
यस्तै, सेन्सेटिभ परिसूचकसमेत १.९५ विन्दुले घटेर २५९.२९ मा पुगेको छ । नेप्से परिसूचक घटेसँगै कारोबार रकमसमेत सस्तैमा समेटिएको छ । कुल १६९ कम्पनीका ११ लाख चार हजार ३९५ कित्ता शेयर २९ करोड ७३ लाख ९८ हजार रुपैयाँ बराबरको कारोबार भएको छ । नेपाल स्टक एक्सचेञ्जका अनुसार कारोबार भएका कुल ११ उपसमूहमध्ये वित्त उपसमूहको मात्रै शेयर उकालो लागेको छ । सो उपसमूहको शेयर १.४७ विन्दुले बढेको छ ।
यस्तै, बैंकिङ ७.१४, होटल ३५.९६, विकास बैंक ३.३२, जलविद्युत् १९.७३, निर्जीवन बीमा ८०.०७, उत्पादन ४०.४६, अन्य ४.५, लघुवित्त १३.०४, जीवन बीमा १४३.४९ र सामूहिक लगानी कोष ०.०८ विन्दुले घटेको छ । स्टकका अनुसार कारोबारका आधारमा नेपाल लाइफ इन्स्योरेन्स कम्पनी शीर्षस्थानमा रहेको छ । सो कम्पनीको एक करोड ९७ लाख तीन हजार २०५ रुपैयाँ बराबरको कारोबार भई शीर्षस्थानमा रह्यो ।
यस्तै, शिवम् सिमेन्ट एक करोड १९ लाख ६७ हजार ४६०, प्रभु बैंक एक करोड पाँच लाख १४ हजार, नेपाल लाइफ इन्स्योरेन्स कम्पनीको संस्थापक शेयर एक करोड तीन लाख र कुमारी बैंक ९३ लाख ५१ हजार रुपैयाँ बराबरको कारोबार भई शीर्षस्थानमा रहेको छ । स्टकका अनुसार आज सबैको लघुवित्त वित्तीय संस्थाका शेयरधनीले सबैभन्दा बढी कमाएका छन् । सो संस्थाका शेयरधनीले ९.९८ प्रतिशतले कमाए । युनाइटेड फाइनान्स ९.७१, गरिमा विकास लघुवित्त वित्तीय संस्था ४.९०, आँधीखोला लघुवित्त वित्तीय संस्था ३.७७, कर्णाली डेभलपमेन्ट बैंक २.८८, घलेम्दी हाइड्रोका शेयरधनीले २.७४ प्रतिशतले कमाए ।
त्यस्तै, साञ्जेन जलविद्युत् कम्पनी ६.४०, रसुवागढी हाइड्रोपावर ५.९४, ओरियण्टल होटल ५.५१, हिमालयन पावर पार्टनर ५.४०, एनएलजी इन्स्योरेन्स ४.८२ र गुराँस लाइफ इन्स्योरेन्सका शेयरधनीले ४.७६ प्रतिशतले गुमाए ।