लोकसंवाद संवाददाता | समाचार | भदौ १८, २०७६
भारतीय समाचार संस्था एएनआईसँगको कुराकानी गर्दै मन्त्री ज्ञवालीले भरतकाे आन्तरिक मामिलामा आफूहरु नबोल्ने पनि प्रष्ट पार्नुभयो । ‘संविधान परिवर्तन भारतीय सरकारको आफ्नै अधिकार क्षेत्र हो, त्यसलै यसमा हाम्रो कुनै प्रतिक्रिया छैन,’ मन्त्री ज्ञवालीले नेपाल सरकारको धारणा प्रष्ट पार्दै भन्नुभएको छ ।
ज्ञवालीले नेपाल सरकार काश्मीर क्षेत्रमा बस्ने नेपालीबारे चिन्तित रहेको बारेमा यस अघि धारणा सार्वजनिक गरि सकिएकाे बताउनु भएकाे छ ।
गत अगस्ट ५ मा प्रधानमन्त्री नेरन्द्र मोदी नेतृत्वको सरकारले संविधानको धारा ३७० खारेज गरेर जम्मूकाश्मीरले यसअघि पाएको विशेष स्वायत्तता खारेज गरिदिएपछि भारत र पाकिस्तानबीच सम्बन्ध चिसिएको छ । सो बिषयमा कडा आपत्ति जनाएको पाकिस्तानले अन्तराष्ट्रिय लबिङसमेत गरिरहेको छ । यस बिषयमा यसअघि परराष्ट्र मन्त्री ज्ञवालीले सरकारले जम्मूकाश्मीर मामिलालाई ‘नजिकैबाट नियालिरहको’ प्रतिक्रिया दिंदै आउनु भएकाे थियाे
साथै चौथो हिन्द महासागर सम्मेलनमा सहभागी हुने सिलसिलामा मालदिभ्सको राजधानी मालेमा रहनुभएका परराष्ट्रमन्त्री प्रदीपकुमार ज्ञवालीले २०७६ भाद्र १८ बिहान सिङ्गापुरका विदेशमन्त्री भिभिन बालकृष्णनलाई भेटेर नेपालमा लगानी बढाउन आग्रह गर्नुभएको छ ।