लोकसंवाद संवाददाता | साहित्य | भदौ २०, २०७६
गैरआवासीय नेपाली संघको भाषा साहित्य उपसमितिले 'नेपाली मुक्तकमा नारी हस्ताक्षर' संयुक्त मुक्तक कृति प्रकाशनमा ल्याएको छ । कवि, मुक्तककार रमेश पौडेलद्वारा सम्पादित नेपाली मुक्तकमा नारी हस्ताक्षर संघको अमेरिकाको बोष्टनमा सम्पन्न पहिलो अन्तर्राष्ट्रिय साहित्य सम्मेलमा विमोचन गरियो ।
हरितालिका तीजको दिनमा पञ्चकन्यका साथमा नेपाल प्रज्ञाप्रतिष्ठानका कुलपति गंगाप्रसाद उप्रेतीले सो कृतिको विमोचन गर्नुभयो । कुलपति उप्रेतीले कवि पौडेलद्वारा सम्पादित सो कृति नेपाली मुक्तक विधामा कोशेढुंगा सावित हुने बताउनुभयो । नेपाली मुक्तकको शोध, खोज र सिर्जनामा लागेका सम्पादक कवि पौडेलले नेपाली मुक्तकले लोकप्रियता विश्वव्यापी रहेको बताउनुभयो ।
३०० पृष्ठमा विस्तारित सो कृतिमा समालोचकद्वय प्रा.डा. लक्ष्मणप्रसाद गौतम र ज्ञानु अधिकारीका मुक्तकसम्बन्धी पठनीय आलेखसमेत समावेश गरिएको छ । सो कृतिमा उषा शेरचनदेखि पछिल्लो पुस्ताका २४६ जना मुक्तककारको परिचयसहित ४/४ वटा मुक्तक छापिएका छन् ।