‘मिनरल वाटर’ का बोतल प्रयोग गरी विद्यालय भवन बनाइँदै

‘मिनरल वाटर’ का बोतल प्रयोग गरी विद्यालय भवन बनाइँदै
सांकेतिक तस्बिर ।

लोकसंवाद संवाददाता  |  शिक्षा  |  माघ २७, २०७५

दाङ । जिल्लाको तुलसीपुर उपमहानगरपालिका–७ मा रहेको कालेखोला माविको भवन ‘मिनरल वाटर’का बोतल प्रयोग गरी निर्माण गर्न थालिएको छ । आठ वर्षदेखि अलपत्र अवस्थामा रहेको उक्त विद्यालयको भवनलाई टिच फर नेपालका स्वयंसेवक र विद्यालयका शिक्षकलेले जथाभावी फालिएका मिनरल वाटरका बोतल प्रयोग गरेर दुई कोठाकोृ निर्माण सुरु गरेका हुन् । 

टिच फरका विसं २०७६ को नयाँ शैक्षिकसत्रदेखि देशभरका विभिन्न स्थानमा स्वयंसेवक शिक्षकका रुपमा जान लागेको भन्दै उहाँहरुलाई समाजसँग घुलमिल गराउनका लागि उक्त अभियानअन्तर्गत शनिबार भवन निर्माणको थालनी गरिएको कार्यकारी प्रमुख शिशिर खनालले बताउनुभयो । 

उहाँका अनुसार पहिलो दिन लामो समयदेखि अर्थाभावमा निर्माण गर्न नसकिएको उक्त विद्यालयलाई सक्रिय भएर पनि निर्माण गर्न सकिन्छ भन्ने चेतना दिन श्रमदान गरिएको हो । उहाँले बजारमा जथाभावी फालिएका बोतलबाट भवन निर्माण गर्न सकिने र कम खर्चिलो हुने भन्दै विद्यालयमा मिनरलको बोतमा बालुवा, सिमेन्ट, माटो मिसार भर्ने अनि सुकाएर इँटाको रुपमा प्रयोग गरेर भवन निर्माण गर्न सकिने बताउनुभयो । 

आफ्ना स्वयंसेवकलाई आवासीय तालीम, समुदायसँग घुलमिल गर्ने अभ्यास दिन विद्यार्थीकै घरमा बस्ने, त्यहाँको वातावरण अवगत गराउने गरेको उहाँको भनाइ छ । देशभरिका करीब १०० स्वयंसेवकले दिनभर भवन निर्माणको काम गरेका हुन् । 

त्यसका लागि तुलसीपुर उपमहानगरपालिकाले दुई लाख रूपैयाँ, टिच फर नेपालले एक लाख रूपैयाँ र सोना सिमेन्टले ३० बोरा सिमेन्ट उपलब्ध गराउने आश्वासन दिएका छन् । अहिले ७०० भन्दा बढी विद्यार्थी रहेकाले कक्षाकोठा अभाव रहेको उहाँको भनाइ रहेको खबर राससमा छ ।