विश्वकप छनोट : चाइनिज ताइपेईलाई २-० ले हराउँदै नेपालको जीत

लोकसंवाद संवाददाता | खेलकुद | भदौ २५, २०७६

अन्जन विष्टले नेपालका लागि दुवै गोल गरे । उनले खेल सुरु भएको तेस्रो मिनेटमै नेपाललाई पहिलो अग्रता दिलाएका थिए । उनले ६३औंँ मिनेटमा दोस्रो गोल गर्दै नेपालको जीत सुनिश्चित गरे ।

विश्वकप फुटबलको छनोटमा इतिहासमा नेपाल दोस्रो पटक दोस्रो चरणमा पुगेको हो भने पहिलो पटक जीत हात पारेको हो ।

यसअघि भएको पहिलो खेलमा नेपाल कुवेतसँग ७–० को विशाल अन्तरले पराजित भएको थियो ।

विश्वकप छनोटको तेस्रो खेलमा नेपालले सेप्टेम्बर १० तारिखमा अस्ट्रेलियाको सामना गर्दै छ ।