लोकसंवाद संवाददाता | समाचार | भदौ २५, २०७६
नेपाल कम्युनिस्ट पार्टीका महासचिव नेत्रविक्रम चन्द 'विप्लव'का छोरा प्रकाश चन्दलाई प्रहरीले पक्राउ गरेको छ ।
चितवन मेडिकल कलेजका विद्यार्थीहरू केही दिन अगाडिदेखि विभिन्न माग राखी आन्दोलनरत रहेका उक्त आन्दोलनको अगुवाइ गर्दै आएका चन्दलाई पक्राउ गरिएको जिल्ला प्रहरी कार्यालय चितवनले जनाएको छ ।
उनलाई जिल्ला प्रहरी कार्यालय चितवनभित्र राखिएको छ । उनीसहित आन्दोलनमा उत्रिएका अन्य केही विद्यार्थीहरूलाई पनि पक्राउ गरिएको प्रहरीले जनाएको छ ।
अस्पतालभित्र प्रवेश गरी सेवा प्रवाहमा अवरोध खडा गरेर तोडफोड गर्न खोजेपछि उनलाई पक्राउ गरिएको प्रहरीले बताएको छ ।