अफगानिस्तानको उत्तरी प्रान्त तखारमा भएको हवाई कारबाहीमा परी ३० तालिबान लडाकु मारिएका स्थानीय स्रोतले बुधबार जानकारी दिएका छन् । ख्वाजा बहाउद्दीन जिल्लाको बाहिरी इलाकामा उक्त हवाई कारबाही भएको थियो । सो कारबाहीमा परी कम्तीमा ३० लडाकु मारिनुका साथै अन्य कैयौँ घाइते भएको अफगान सेनाका अधिकारी अब्दुल खलिल खलिलीले सिन्ह्वा समाचार समितिलाई जानकारी दिनुभयो ।
सो कारबाहीको क्रममा अपहरणकारीहरूको सवारी साधन पनि ध्वस्त पारिएको खलिलीले बताउनुभएको थियो । यो कारबाही अफगान वायुसेना वा नेटोको नेतृत्वमा गठबन्धन सेना कसले गरेको हो सो भने प्रष्ट भएको छैन । यसै महिनाको सुरुदेखि नै यो प्रान्तमा तािलबान लडाकु र सुरक्षा अधिकारीबीच भीषण भीडन्त हुँदै आएको छ । तालिबान लडाकु समूह र सुरक्षा बलसँगको ठूलो झडपपछि छिमेकीमा पर्ने याङ्गी काला र दार्कद जिल्लालाई तालिबानले कब्जा गरेका छन् ।
