लोकसंवाद संवाददाता | समाचार | आश्विन २, २०७६
काठमाडौं, एजेन्सी । भारतको विहार राज्यको मोतीविगहा गाउँ आज ड्राइभरको गाउँको रुपमा परिचित छ ।
जहाँ करीब ३०० ट्रक चालक छन् भने उनीहरु मध्ये २०० जनाको आफ्नै गाडी समेत छ । जसमा ४० वटा ट्रक, ५० मालवाहक वाहन तथा ११० अटो लगायत अन्य गाडी रहेका छन् । 
मोतीविगहा चालकको गाउँ बन्न ५ दशक पहिलेबाट शुरु भएको हो । जिल्लाको सदर प्रखंड गोनावां पंचायतका गोनावांडीहका मथुरा सिंह उक्त गाउँकाे पहिले ट्रक ड्राइभर थिए ।
उनीसँगै घुम्न निस्किएका गोनावा मोतीविगहाका कपिल यादव ट्रक डाइभर बनेर उनको स्थितिमा सुधार आएपछि ड्राइभर बन्ने सिलसिला शुरू भएको हो ।
गाउँका तीन पिंढी देखि यो परंपरा धानिदै आएको छ । अहिले पहिले ड्राइभरी शुरु गरेका धेरैका छोरा नाती पनि यहि पेशा अंगाल्दै आएका छन् । केहीको भने दुर्घटनामा मृत्यु समेत भएको छ ।